“අනෝරා” ජනවාරියේ එළියට
හෙක්ටර් කුමාරසිංහගේ අධ්‍යක්ෂණයක් වන “අනෝරා” සිනමාපටය එළඹෙන ජනවාරියේ ප්‍රදර්ශනය කිරීමට නියමිත බව වාර්තා වේ.
මේනකා මධුවන්ති සහ නිමන්ත හේෂාන් ප්‍රධාන චරිතවලට පණ පොවන මෙම චිත්‍රපටයේ සෙසු චරිත සඳහා විජේරත්න වරකාගොඩ, චිත‍්‍රා වරකාගොඩ, මහේන්ද්‍ර පෙරේරා, ඩබ්. ජයසිරි, ගිහාන් ප‍්‍රනාන්දු, දමයන්ති ෆොන්සේකා, එම්. ජී. දනුෂ්ක, දයාදේව එදිරිසිංහ, සුදර්ශන බණ්ඩාර, දයා වයමන්, හෙක්ටර් බෙත්මගේ, උදය කුමාර, නිල්වලා විශ්වමාලි, ලහිරු පෙරේරා, ආචාර්ය අංජලී මිශ‍්‍රා, උපුල් ගුණවර්ධන, දිනේෂ් මුදලිගේ, විශ්තෝෂාන්, ක‍්‍රිෂ් ඊෂාන් ජනිඳු සහ ජනිඳු පහන්ජිත් ඇතුළු පිරිසක් රංගන දායකත්වය සපයා ඇත.
මෙහි ගේය පද රචනය මහාචාර්ය සුනිල් ආරියරත්න, හිරුණි කුමාරසිරි විසිනි. කැමරා අධ්‍යක්‍ෂණය කපිල සදේශ් විජේරත්න වන අතර සහාය අධ්‍යක්‍ෂණයෙන් රුවන් බණ්ඩාර සහ රංජිත් යාපා ද අල්විස් ද, සංස්කරණයෙන් අජිත් රාමනායක ද, ශබ්ද පටිගත කිරීම අරුණ ප‍්‍රියන්ත කළුආරච්චි ද සහ සහායෙන් පුබුද විජේරත්න ද වර්ණ සංයෝජනයෙන් දිනිඳු ජාගොඩ ද ශබ්ද සංයෝජනයෙන් රංග දසනායක එක් වී තිබේ.
