අමිතාබ් බච්චන් ගෞරව සම්මානයකින් පිදුම් ලබ යි
ප්‍රවීන ඉන්දියානු රංගන ශිල්පී අමිතාබ් බච්චන් ඉන්දීය සිනමා ක්ෂේත්‍රය තුල පිදෙන ඉහලම ගෞරව සම්මානය වන දාදාසාහිබ් ෆාල්කේ සම්මානයෙන් පිදුම් ලබා තිබේ.
නවදිල්ලි අගනුවර පිහිටි එරට ජනපති මන්දිරය “රාෂ්ට්‍රපති භවන්” හි පැවති උත්සවයක දී ඉන්දීය ජනපති රාම් නාත් කෝවින්ද් විසින් එම සම්මානය ඔහු වෙත පිරිනැමිය. එම අවස්ථාවට අමිතාබ්ගේ බිරිඳ ජයා බච්චන්, පුත් අභිෂේක් බච්චන් ද එක්ව සිටිය හ.
පසුගිය සඳුදා පැවති ඉන්දීය ජාතික සිනමා සම්මාන උලෙළේ දී අමිතාබ් බච්චන් වෙත මෙම සම්මානය ලබාදීමට නියමිත වූ නමුත් අයහපත් සෞඛ්‍ය තත්වය නිසා එම උත්සවයට සහභාගී වීමට ඔහුට නොහැකි වී තිබුණි.
ස්වර්ණ කමල් (රන් නෙළුමක්) පදක්කමක්, සළුවක් සහ ඉන්දීය රුපියල් ලක්ෂ දහයක මුදලක් දාදාසාහිබ් ෆාල්කේ සම්මානය සමඟින් හිමිවේ.
