“එකගෙයි සොකරි” සින්දු මංගල්ලේ 8 වැනිදා
සිනමාවේදී ජැක්සන් ඇන්තනි තිර රචනා කොට අධ්‍යක්ෂණය කළ “එකගෙයි සොකරි” සිනමාපටයේ ගීත එළිදැක්වීම ජනවාරි 8 වැනිදා පස්වරුවේ සිදු කිරීමට නියමිත ය.
ඒ වැල්ලවත්ත සැවෝයි ප්‍රිමියම් සිනමා ශාලාවේ දී යි.
සජිත අනුත්තර, අකිල ධනුද්ධර, උදාරි වර්ණකුලසූරිය, විල්සන් ගුණරත්න, ටෙරී ජයසිංහ, රුවන් පෙරේරා, සෙනාලි ෆොන්සේකා, ආරියරත්න කළුආරච්චි, සම්පත් තෙන්නකෝන්, සුසිලා කෝට්ටගේ, රුවන් වික්‍රමසිංහ ඇතුළු රංගන ශිල්පින්, ශිල්පිනියන් රැසක් රංගනයෙන් දායක වූ “එකගෙයි සොකරි” ක්‍රියේටිව් හේලන්කා ප්‍රයිවට් ලිමිටඩ් නිෂ්පාදනය කි.
මෙම සිනමාපටයේ කැමරා අධ්‍යක්ෂණය චන්න දේශප්‍රිය, කලා අධ්‍යක්ෂණය ධම්මික හේවාදුවත්ත, අංග රචනය හර්ෂ මංජුල, සහාය අධ්‍යක්ෂණය සරත් සේනාරත්න, ශබ්ද පරිපාලනය ඩිලාන් ගුණවර්ධන, සංස්කරණය සහ වර්ණ සංයෝජනය තිස්ස සුරේන්ද්‍ර, සංගීත අධ්‍යක්ෂණය චින්තක ජයකොඩි, නිෂ්පාදන කළමනාකරණය හැරල්ඩ් කරුණාතිලක, දර්ශනතල සම්බන්ධීකරණය හේමන්ත බණ්ඩාර වික්‍රමසිංහ, නිශ්චල ඡායාරූප ධම්මික පතිරත්න, ඇඳුම් නිර්මාණය නිල්හාන් සෙනෙවිරත්න, වස්ත්‍රාභරණ සම්පත් වන්නිආරච්චි, නර්තන අධ්‍යක්ෂණය ජ්‍යේෂ්ඨ මහාචාර්ය ආරියරත්න කළුආරච්චි, පරිගණක සජීවිකරණය අනුජ බාසුරු ශිවංකර, සිරස්තල චිත්‍රණය ශාන්ත කේ. හේරත්, ගී පද රචනය බන්දුල නානායක්කාරවසම්, ගායනය මාධවී වත්සලා, සජිත අනුත්තර, ඩිලාන් කරුණාරත්න, දිනුෂා කෝදාගොඩ, හර්ෂණ දිසානායක, චමිල මධුශාන්, නදීමාල් පෙරේරා, එවන්ද දිල්මින් පෙරේරා විසිනි.
“එකගෙයි සොකරි” මෙම වසරේ දී දිවයින පුරා සිනමා ශාලාවල තිරගත කිරීමට නියමිත බව වාර්තා වේ.
