කාන්ස්, ගෝල්ඩන් ග්ලෝබ්ස් සම්මාන දිනූ “Parasite” ප්‍රදර්ශනය කෙරේ   

කොළඹ මහජන පුස්තකාල ලේඛක පාඨක සංසදය විසින් සංවිධාන කරනු ලබන මාසික සිනමා දැක්ම සහ සංවාදයේ ජනවාරි කලාපය එළඹෙන 17 වැනිදා පැවැත්වීමට නියමිත ය.

77 වැනි ගෝල්ඩන් ග්ලෝබ් සම්මාන උලෙළේ දී හොඳම විදෙස් භාෂිත චිත්‍රපටයට හිමි සම්මානයත්, 2019 කාන්ස් සිනමා උලෙළේ දී Palme d’Or සම්මානයත් දිනූ දකුණු කොරියානු සිනමාවේදී බොන් ජූන්-හෝ අධ්‍යක්ෂණය කළ “Parasite” සිනමාපටය එහිදී ප්‍රදර්ශනය කෙරේ.   

එදින පස්වරු 3ට ඇරඹෙන වැඩසටහනේ දේශනය සිනමා විචාරක බූපති නලින් වික්‍රම විසින් සිදු කිරීමට නියමිත ය.

එදිනට එක්වන මෙන් ඇරයුම්..