“ගාඩි” 18 වැනි පූනේ අන්තර්ජාතික සිනමා උලෙළට(PIFF)

ප්‍රසන්න විතානගේ නවතම සිනමා සිත්තම ගාඩි(Children of the Sun) 18 වැනි පූනේ අන්තර්ජාතික සිනමා උලෙළට සුදුසුකම් ලබා තිබේ.

ඒ ගෝලීය සිනමාව යන කාණ්ඩය යටතේ ය. “ගාඩි” ඒ අනුව ජනවාරි 10 වැනිදා පස්වරු 4.45ට සහ ජනවාරි 12 වැනිදා පස්වරු 6ට ඉන්දියාවේ මහාරාෂ්ට්‍ර ප්‍රාන්තයේ පූනේ හි සිනමාශාලා දෙකක ප්‍රදර්ශනය කිරීමට නියමිත ය.

පූනේ අන්තර්ජාතික සිනමා උලෙළ ජනවාරි 9 වැනිදා සිට 16 වැනිදා දක්වා පැවැත් වේ.

ප්‍රසන්න විතානගේ දස වැනි සිනමා නිර්මාණය වන “ගාඩි” මේවසරේ දී ලංකාවේ ප්‍රදර්ශනය කිරීමට නියමිත බව වාර්තා වේ.