ඇමරිකානු නළු ඔර්සන් බීන් හදිසි අනතුරකින් ජිවිතක්ෂයට

ඇමරිකානු වේදිකා, ටෙලි සහ සිනමා නළු ඔර්සන් බීන් හදිසි අනතුරකින් ජිවිතක්ෂයට පත්වී තිබෙනවා.

91 හැවිරිදි ඔහු ඉකුත් සිකුරාදා (7) සවස ලොස්ඇන්ජලීස් නුවර කාර්යබහුල මාර්ගයක ගමන් කරමින් සිටිය දී මෙසේ අනතුරට ලක්ව මියගොස් ඇති බවයි පොලිසිය සඳහන් කළේ.

පැසිෆික් රෙසිඩන්ට් සිනමාශාලාව ඉදිරිපිට දී වාහනයක ගැටී ඇද වැටුණු පසු තවත් වාහනයක ගැටීම නිසා බරපතල තුවාල ලැබූ ඔර්සන් බීන් එම ස්ථානයේම මියගොස් තිබෙනවා.

2018 දී තිරගත වූ “The Equalizer 2” අවසන් වරට රංගනයෙන් දායක වූයේ සිනමාපටය වන අතර මියයන තෙක්ම ටෙලි නාට්‍ය උදෙසා සිය රංගන දායකත්වය ලබා දුන්නේ ය.