රයිනි ගේ කලුවරට හිත බය හින්දා ගීතයේ රූපරාමුවල පෙනී සිටින කඩවසම් තරුණයා මේ දිනවල කාගේත් අවධානය දිනාගත් තරුණයෙක්. ඔහු සැබැවින්ම කඩවසම්. මේතාක් ඔහු රංගන ශිල්පියෙකු ලෙස සිනමාව තුළ හෝ රූපවාහිනි ටෙලි නාට්‍යක් තුළින් දැක ගන්නට හැකිනොවුනේ ඇයි යන්න පිළිබඳ බොහෝ දෙනා හිතනවා වෙන්න පුලුවන්. ඒත් දර්ශන් තවරාජා මේ වනවිට රංගනයේ යෙදෙන ටෙලි නාට්‍යක් දෙරණ නාලිකාවෙන් විකාශය වෙනවා හිතුවක්කාර කියලා.

දර්ශන් බොහොම ඉවසීමෙන් ආපු ගමනක් මේක ඔහුගේ සමහර වීඩියෝ වැඩ සටහන් සහ පුවත් පත් සාකච්ජා විමර්ශණය කිරීමෙන් පෙනී ගිය දෙයක් තමයි ඔහු ඉතා කල්පනාකාරීව තමන්ගේ ආස්ථානය සනිටුහන් කරමින් සිටින බව. දර්ශන් තවරාජා ගීත ගායනයෙත් හැකියාව ඇති තරුණයෙක්. ඒ වගේම ඔහු ද‍්‍රවිඩ භාෂාව කතාකරන්නෙකු වුවද මේ වනවිට ඔහු සිංහල භාෂාව කතාකරනවා. භාෂාව රංගනයට භාධාවක් නොවේ.

දර්ශන් බොහෝ විට එකවර පිරිසක් අඳුර ගන්නට සමත් වන්නේ වොයිස් ශ‍්‍රී ලංකා වැඩ සටහනේ පරිවර්තකයෙකු ලෙස සිරස ටීවී ඔස්සේ කරළියට ඒමත් සමගිනි. තරුණ පිරිස් මේ රූමත් කඩවසම් තරුණයා කව්රුදැයි විමසන්නට  පටන් ගත්තේය.

කෙසේ හෝ දර්ශන් මේ මෑතක පළවූ පුවත් පත් සාකච්ජාවකට පවසා තිබුනේ ඔහු සිනමා වට ප‍්‍රවිශ්ට වීමට අපේක්‍ෂාවෙන සිටින බවත් එහිදී ඔහු රංගනයෙන් දායක වන්නට අපේක්‍ෂාවෙන් සිටින්නේ විලන් ගේ චරිතයක් බවත්ය. දුෂ්ටයාගේ චරිතය තුළින් තම නම මේ රටේ පේ‍්‍රක්‍ෂකයන් අතර මතක හිටින නමක් ලෙස රදවන්නට ඉහළට ඔසවා තබන්නට ඔහුගේ හීනයක් ඇති බව ඔහු පවසා තිබුනා

"මගේ පෙනුමට කතාබහට ගැළපෙන්නේ දුෂ්ටයාගේ චරිතය කියලා මම හිතනවා. ඒ නිසා වැඩිපුර දුෂ්ටයාගේ චරිතවලට ආරාධනා ලැබෙනවා නම් මම කැමතියි. හැබැයි ඒ දුෂ්ටයාටත් හිතා ගන්න බැරි තරම් පිරිසක් ආදරය කරනවා. මේ කලාව ඇතුළේ ගායක ගායිකාවන් නළු නිළියන් තමන්ටම ආවේණික මොනවා හරි දෙයක් නිර්මාණය කරගෙන තියෙනවා. ඒ වගේ කවදාහරි බොහෝ දෙනෙක් කතා වෙන,ආදරය කරන දුෂ්ටයා කියද්දී මගේ නම මතක් වෙන තැනට මගේ දක්ෂතා හැකියා ඔප්නංවා ගැනීම තමයි මගේ බලාපොරොත්තුව.කවදා හරි ලංකාවේ විලන් කියන තැනට මම මගේ නම බ්‍රෑන්ඩ් එකක් කරනවා."

දර්ශන්ගේ හැඩ රුව සමග ඔහු දුෂ්ටයකු වනවාද පෙම්වතෙකු හෝ වීරයෙකු වනවාද යන්න තීරණය වන්නේ ඔහු ව දායක කරගන්නා අධ්‍යක්‍ෂවරයාගේ කැමැත්ත මතය.ලාංකේය සිනමාවට මෙවැනි තරුණයන්ගේ ආගමනය තරුණ සිනමා කරුවන්ට ඔවුන්ගේ නිර්මාණ සඳහා දර්ශන් වැනි සිහින දකින්න් සම්බන්ධකරගත හැකවනවාට සැකයක් නැත.

"කවදා හරි ජාත්‍යන්තර මට්ටමින් හෝ ලංකාවේ හෝ බිහිවෙන සිනමා නිර්මාණයකින් මගේ රංගන හැකියාවන් දැක බලාගන්න ප්‍රේක්ෂකයන් බොහෝ දෙනෙක් කැමැත්තෙන් ඉන්නවා. දමිළ චිත්‍රපටයක හෝ සිංහල චිත්‍රපටයක ප්‍රධාන චරිතයකින් මාව මුණගැහෙන්න බලාපොරොත්තුවෙන් ඉන්නවා කියලා මට වැඩිපුරම ආදරය කරන සිංහල ප්‍රේක්ෂකයන් කියනවා. කවදාවත් දමිළ ප්‍රේක්ෂකයන්ගෙන් මට ඒ වගේ ප්‍රතිචාරයක් ලැබිලා නෑ. ඉතින් මට ආදරය කරන මගේ ප්‍රේක්ෂකයන්ගේ බලාපොරොත්තුව ඉටු කරමින් සිනමා නිර්මාණයක ප්‍රධාන චරිතයකට සම්බන්ධ වීම තමයි මගේ ලොකුම බලාපොරොත්තුව".