සිංහල සිනමාවේ 'හිත හොඳ චණ්ඩියා' යන නාමය හිමි කරගත් ප්‍රවීණ චරිතාංග රංගධර රෙක්ස් කොඩිප්පිලි මහතා අද (27) සවස සිය රසික ප්‍රජාවට සහ සිය ආදරණීයයන්ට සමුදීමට නියමිතය.

අවුරුදු 85ක් සපුරා සිටියදී දෙසැම්බර් 24 වැනිදා අභාවප්‍රාප්ත වූ ඔහුගේ දේහය දෙසැම්බර් 25 වැනිදා සවස 2.00 සිට අද (27) සවස 3.30 දක්වා බොරැල්ල 'ජයරත්න රෙස්පෙක්ට්' ශාලාවේ තැන්පත් කරනු ලැබ තිබෙන අතර අද සවස 4.00ට බොරැල්ල කනත්තේදී අවසන් කටයුතු සිදු කෙරේ.
රෙක්ස් ජෝශප් කොඩිප්පිලි යැයි නම් තැබූ 1938 ඔක්තෝබර් 06 වැනිදා ඉපදී පසුව ජනප්‍රිය වූ ජ්‍යෙෂ්ඨ කලාකරුවා චිත්‍රපට, ටෙලිනාට්‍ය නළුවෙක් සහ අධ්‍යක්ෂකවරයෙකු ලෙස ලාංකේය කලා ක්ෂේත්‍රයට කළ සේවය ඉමහත්ය.
සිය හඬ, පෙනුම සහ ශරීරයේ පෙනුම, වාග් විලාසය හේතුවෙන් කලා ක්ෂේත්‍රයේ නිර්මාණ සඳහාදුෂ්ඨයෙකු ලෙස වැඩි වශයෙන් දායක වූ ඔහු චිත්‍රපට 130කට වඩා පෙනී සිට ඇත. වෘත්තීය සාර්ථකභාවය හේතුවෙන්ම 2019දී ඔහු ජනාභිමානී ගෞරව සම්මානයෙන් පිදුම් ලැබීය.
බදුල්ලේ උපන් අයකු වන රෙක්ස් කොඩිප්පිලි මූලික අධ්‍යාපනය අවසන් කර පොලිස් දෙපාර්තමේන්තුවේ සේවයට බැඳී කටයුතු කළ අයෙකි. එහිද ඔහු කීර්තිමත් නාමයක් සහිතව පුහුණුව ලැබූ පොලිස් නිලධරයෙකි.
වසර පහක පොලිස් සේවය, හමුදා පොලිසියේ පළමු පිහිනුම් කණ්ඩායමේ නායකයා වීම, හමුදා පොලිසියේ ශාරීරික පුහුණු උපදේශකවරයෙකු වීම, සලාකාහි කළමනාකරු වීම සහ ඊට පෙර මරීනා කැෆේ සහ පිටකොටුවේ හෝටලයේ කළමනාකරු වීම ඔහුගේ අනෙකුත් වෘත්තීය භූමිකා අතර කැපී පෙනෙන ඉසව් පෙන්නුම් කරන්නකි.
කැතරින් මෙනෙවිය සමඟ විවාහ ඔහුට රොෂාන්ති සහ සුරේකා නමින් දියණියන් දෙදෙනකුද, ප්‍රසන්න නමැති එක් පුතෙකුද සිටිති.
කුඩා කලම ගායනයට පිවිසි මෙම රංගධරයා ඔස්වල්ඩ් ජයසිංහ සහ ඩොමී ජයවර්ධන සමඟ මිත්‍රත්වයෙන් ඇසුරු කළ අතර එහිදී ඇති වූ සම්බන්ධයක් උඩ 'කතුරු මුවත්' චිත්‍රපටයේ පික්පොකට්කරුවෙකුගේ චරිතය ආරම්භක නිරූපණය ලෙස ඔහුට හිමි විය. එම වකවානුවේම රඟපෑමට වරම් ලැබූ'හතර දෙනාම සූරයෝ' රෙක්ස් යනු මතකයේ රැඳෙන නළුවෙකු බව සනාථ කළේය.