2023 වසර වෙනුවෙන් රසිකයින්ට සුබ පතමින් ඒ වෙනුවෙන් රසිකයින්ටද තමන් ස්තුතිවන්ත වන බොලිවුඩයේ ප්‍රවීණතම නිළියන්ගෙන් අයකු වන සීනත් අමාන් පවසන්නීය.
බොලිවුඩයට පහළ වූ රූපය, ජනප්‍රියකම, දක්ෂතාව යන සියලු ගුණාංගයන් එක්වර පිහිටි නිළියක් හැටියට සීනත් හැඳින්විය හැකිය. සත්‍යම් ශිවම් සුන්දරම් චිත්‍රපටය ඔස්සේ රසික සිත් ඇඳ බැඳ තබාගත් ඈ ගැන මතකය බොලිවුඩය ගැන දන්නා අයකුට කිසිසේත්ම අමතක විය නොහැකිය. මෑතකදී කුෂා කපිල සමග පැවැත්වුණ සම්මුඛ සාකච්ඡාවකදී ඇය කාන්තාවන් මූල්‍යමය වශයෙන් ස්වාධීන වීමේ වැදගත්කම පිළිබඳව තම අදහස් බෙදාගෙන තිබිණි.
ඇගේ ඩොන්, ධරම් වීර්, කුර්බානි සහ සත්‍යම් ශිවම් සුන්දරම් චිත්‍රපට සමඟ සීනත් සිනමාවේ නොමැකෙන කීර්තිමත් සලකුණක් තැනැත්තියක් වන්නීය. සීනත් අමාන් කාන්තාවන් සවිබල ගැන්වීමේ සංකේතයක් ලෙස බොහෝ විට රැඳී සිටියේ එය එතරම් පොදු නොවූ කාලයකදීය. ඇය එසේ කළේ තවත් කාන්තාවන්ටද ආදර්ශ සපයමිනි.
වර්තමානයේ සීනත් රංගනයට දායක නොවූවත් ගෙවුණු වර්ෂය තුළ පවා ඇය වෙනුවෙන් ඉමහත් රසික ප්‍රජාවක් ඇය වටා ගොනුව සිටිති.
