'සෝමලතා සුබසිංහ ප්ලේහවුස්' රංගනය පිළිබඳ සහතිකපත්‍ර පාඨමාලාව ජනවාරි 07 වැනිදා - ඉරිදා ආරම්භ කෙරිණි.

අධිෂ්ඨානශීලී විවිධ අත්දකීම් සහිත අලුත් කණ්ඩායමක් මහත් උද්යෝගයෙන් පාඨමාලාව හා අලුතෙන් සම්බන්ධ වූ බව සඳහන් කරමින් රංගපාසල සිය ෆේස්බුක් ගිණුමේ අදහස පළ කර තිබිණි.

"අද සිට මාස අටක පමණ කාලයක් රංගනය පිළිබඳ විවිධ පැතිකඩ ඔවුන් අත්හදා බලාවි. වඩාත් සුදුසු රංගනය පිළිබඳව ඔවුන් දැනුවත් වේවි. රංගනයේ ගුණාත්මක වර්ධනයට ඔවුන් දායක වන අයුරු අපි අසාවෙන් බලා සිටිමු. සෝමලතා සුබසිංහ 1981 දී පැළ කරපු රංගන අධ්‍යයන පාසලේ ඵල අපි ප්‍රවේශමෙන් නෙළාගමු."