හේමාල් පෙරේරා, අශාන් ඩයස්, ගම්‍යා විජේදාස ප්‍රධාන චරිත රඟපාන නවතම සිනමාපටය 1970 Love Story අරුණ ජයවර්ධනගේ අධ්‍යක්ෂණයෙන් සිනමා ශාලා වෙත නිකුත් කිරීමට නියමිත නවතම සිංහල චිත්‍රපටියකි.

චිත්‍රපටයේ ඇතුළත් වන ජනප්‍රිය ගායක සුරේන්ද්‍ර පෙරේරා ගායනා කරන ගීතයක් 'සඳ පායන්න' නමින් ඊයේ (07) යූටියුබ් ජාලයට M Entertainment වෙතින් නිකුත් කෙරිණි.
සමන් එදිරිසිංහ නිෂ්පාදන දායකත්වය සපයන චිත්‍රපටයේ මහේන්ද්‍ර පෙරේරා, බිමල් ජයකොඩි, සරත් කොතලාවල, සඳනි ප්‍රනාන්දු, දිනෙත්ද සිල්වා, සූර්යා දයාරුවන්, සමන් හේමරත්න යනාදී රංගන ශිල්පීන්ද රංගනයෙන් දායක වන අතර 1970 දශකයේ සත්‍ය ආදර කතාවක් ප්‍රතිනිර්මාණයක් ලෙසින් 1970 Love Story එළිදැක්වේ.
චන්න දේශප්‍රිය කැමරා අධ්‍යක්ෂණය කරන, සුනිල් ප්‍රේමරත්න කලා අධ්‍යක්ෂණය කරන, සමරසිරි කඳනගේ වේෂ නිරූපණය කරන චිත්‍රපටය බෙහෙවින් බලාපොරොත්තු තැබූ චිත්‍රපටයකි.