ඉන්දියාවේ ජනප්‍රියම ළමා සංගීත තරඟාවලිය වන 'සරිගමප ලිට්ල් චෑම්ප්' තරඟාවලියේ ජයග්‍රාහිකාව වූ කිල්මිශා යශිසායි ඇගේ පාසල වන චුණ්ඩිකුලි බාලිකා පාසලෙන් පසුගියදා හරසර ලැබීය.
කිල්මිශා වෙනුවෙන් චුණ්ඩිකුලි බාලිකා පාසලේ විශේෂ උත්සවයක් සංවිධානය කරනු ලැබ තිබූ අතර ඇගේ පාසලේ සියලුම බාලිකාවන් ඒ සඳහා සහභාගි වී තිබිණි.
යාපනයේ පදිංචිකාරිනියක වන කිල්මිශා චුන්ඩිකුලි බාලිකා විදුහලේ 09 වන ශ්‍රේණියේ ශිෂ්‍යාවකි.
කිල්මිශාගේ ජයග්‍රහණය ලංකාවෙන් පිටස්තර රටවල කටයුතු කරන ලාංකික කලාකාරයින් මෙන්ම රටට කීර්තියක් ගෙන දෙන්නක් වන අතර ඇය වෙනුවෙන් පසුගිය කාලයේ බොහෝ උත්සව සංවිධානය කරනු ලැබ තිබිණි.
