ක්‍රීඩා හා යෞවන කටයුතු අමාත්‍යාංශයට අනුබද්ධ ජාතික තරුණ සේවා සභාව විසින් සංවිධානය කරන ලද 10 වැනි තරුණ සිනමා උළෙල 2024 සඳහා අයදුම්පත් හෙට (30) දිනය දක්වා භාර ගැනීම සිදු වේ.

'සිනමා අස්වැන්න' නමින් පවත්වනු ලබන මෙම උළෙල සඳහා වයස අවුරුදු 16 - 40 අතර තරඟකරුවන්ට සහභාගි විමේ හැකියාව තිබේ.
ඕනෑම භාෂාවකින් නිර්මාණය කළ හැකි කෙටි චිත්‍රපට විනාඩි 10කටත් වාර්තා චිත්‍රපට විනාඩි 15ක කාලයකටත් සීමා විය යුතු අතර 2021 සිට 2024 ඔක්තෝබර් 30 දක්වා නිර්මාණය කරන ලද චිත්‍රපට තරඟයට එවිය හැකිය.