කාන්ස් සිනමා උළෙලේ දී සම්මාන දිනූ “Pain and Glory” (වීඩියෝ)

පෙද්රෝ අල්මොදෝවාර්ගේ අධ්‍යක්ෂණයක් වන “Pain and Glory” නම් ස්පාඥ්ඥ සිනමා සිත්තම ලොව පුරා සිනමා රසිකයින්ගේ අවධානය දිනාගත් නිර්මාණයක්.

පසුගිය මාර්තු මස සිට ස්පාඥ්ඥයේ ප්‍රදර්ශනය ආරම්භ කළ මෙම චිත්‍රපටයේ ප්‍රධාන චරිතවලට අන්තෝනියෝ බන්දෙරස්, පෙනෙලෝප් කෘස්, ආසියර් එට්සැන්ඩියා, ජුලියෙටා සෙරානෝ සහ ලියනාඩෝ සෙබරාලියා රංගන දායකත්වය ලබා දී තිබේ.

එහි සැල්වදෝර් මල්ලෝ නම් චරිතයට පණ පෙවූ අන්තෝනියෝ බන්දෙරස් පසුගියදා නිමාවට පත්වූ කාන්ස් සිනමා සම්මාන උළෙලේ දී හොඳම රංගන ශිල්පියාට හිමි සම්මානය දිනාගැනීමට ද සමත්විය. එසේම හොඳම සිනමාපටය සඳහා වූ නිර්දේශ අතරට ද Pain and Glory එක්විය.

“Pain and Glory” එළඹෙන 23 වැනිදා සිට එක්සත් රාජධානියේ ප්‍රදර්ශනය ආරම්භ කරන අතර එක්සත් ජනපදයේ ප්‍රදර්ශනය ආරම්භ කරනුයේ සැප්තැම්බර 9 වැනිදා සිට ය.

මෙම සිනමාපටයේ නිළ පූර්ව ප්‍රචාරකපටය ඉහතින් ඔබට නැරඹිය හැකි යි,