“සුනාමි” පූර්ව ප්‍රචාරකපටය එළිදකියි
සෝමරත්න දිසානායකගේ නවතම සිනමා අධ්‍යක්ෂණය වන “සුනාමි” හි පූර්ව ප්‍රචාරකපටය ජනගත කිරීම ඊයේ (26) දිනයේ දී වැල්ලවත්ත සැවෝයි සිනමාශාලා පරිශ්‍රයේ දී සිදු කෙරුණි.
2004 වසරේ සුනාමි ඛේදවාචකයේ සත්‍ය සිදුවීමක් පාදක කරගනිමින් ඉහළ පිරිවැයක් දරා නිර්මාණය කළ මෙම සිනමාපටයේ ගීත දෙකක් එළිදැක්වීම ද එහිදී සිදු කෙරුණි.
චිත්‍රපටය සඳහා නිර්මාණ දායකත්වය සැපයු ශිල්පින් ඇතුළු විශාල පිරිසක් මෙම උත්සවයට එක්වී සිටිය හ.
නිරංජනී ෂන්මුගරාජා, දර්ශන් ධර්මරාජ්, හිමාලි සයුරංගි, බිමල් ජයකොඩි, මෙනාරා වීරතුංග(ළමා), සුනෙත් ශාන්තප්‍රිය, විශ්වජිත් ගුණසේකර, ගිරිරාජ් කෞශල්‍ය, ජේ. යෝගරාජ්, අශෝක සේරසිංහ, සම්පත් තෙන්නකෝන්, කුමාර තිරිමාදුර, සරත් චන්ද්‍රසිරි, රත්නා ලාලනී, රංජනී රාජ්මෝහාන්, චින්තක කුලතුංග, අනුරුද්ධිකා පාදුක්කගේ, ලලිත් ජනකාන්ත, අරුණි මෙන්ඩිස්, ජයන්ත මුතුතන්ත්‍රි, ගිහාන් ප්‍රනාන්දු, සිනෙති අකිලා “සුනාමි” සිනමාපටය සඳහා රංගනයෙන් එක් වී තිබේ.
