ප්‍රසන්නගේ “ගාඩි” පූර්ව ප්‍රචාරකපටය අන්තර්ජාලයට
කන්ද උඩරට රාජධානි සමය අවසන් භාගයේ කතා පුවතක් පාදක කරගනිමින් නිර්මාණය වූ “ගාඩි” සිනමාපටයේ පූර්ව ප්‍රචාරක පටය අද (13) අන්තර්ජාලයට නිකුත් කෙරුණි.
සම්මානිත සිනමාවේදී ප්‍රසන්න විතානගේගේ දස වැනි චිත්‍රපටය මේ වනවිට බූසාන් ජාත්‍යන්තර සිනමා උලෙළ, සැන් ෆ්‍රැන්සිස්කෝ අන්තර්ජාතික දකුණු ආසියානු සිනමා උලෙළ, කේරළ අන්තර්ජාතික සිනමා උලෙළ ඇතුළු ප්‍රකට සිනමා උලෙළ කිහිපයක ප්‍රදර්ශනය කර තිබේ.
සජිත අනුත්තර ඇන්තනි සහ ඩිනාරා පුංචිහේවා ප්‍රධාන චරිතවලට පණ පෙවූ “ගාඩි” එළඹෙන වසරේ දී දිවයින පුරා ප්‍රදර්ශනය කිරීමට නියමිත ය.
