ජාත්‍යන්තර සම්මාන දිනූ “පාංශු” චිත්‍රපටයේ නිළ පූර්ව ප්‍රචාරකපටය මෙන්න
සම්මානිත සිනමා අධ්‍යක්ෂ විසාකේස චන්ද්‍රසේකරම්ගේ “පාංශු” චිත්‍රපටයේ නිළ පූර්ව ප්‍රචාරකපටය අන්තර්ජාලයට නිකුත් කර තිබේ.
නීටා ප්‍රනාන්දු, ජගත් මනුවර්ණ, නදී කම්මැල්ලවීර, මයුර කාංචන, ගයාන් ලක්රුවන්, රන්දික ගුණතිලක, සේවියර් කනිෂ්ක ඇතුළු නළු, නිළියන් රැසක් මේ සඳහා රංගන දායකත්වය සපයා ඇත.
විසාකේස චන්ද්‍රසේකරම්ගේ තිරරචනයක් අනුව නිර්මාණය කළ “පාංශු” කැනඩාවේ මොන්ට්‍රියල් අන්තර්ජාතික සිනමා උලෙළ, ප්‍රංශයේ නීස් ජාත්‍යන්තර සිනමා උලෙළ, පූනේ අන්තර්ජාතික සිනමා උලෙළ, රුසියාවේ සඛාලින් ජාත්‍යන්තර සිනමා උළෙල, සිංගප්පූරුවේ දකුනු ආසියාතික සිනමා උළෙල (තරඟකාරී අංශය), ශ්‍රී ලංකාවේ යාපන ජාත්‍යන්තර සිනමා උළෙල, අමෙරිකා එක්සත් ජනපදයේ ගෝල්ඩන් ඩෝර් ජාත්‍යන්තර සිනමා උළෙල (තරගකාරී අංශය), ඉතාලියේ 22 වන රිලිජන්ස් ටුඩේ ජාත්‍යන්තර සිනමා උළෙල (තරගකාරී අංශය), ඉන්දියාවේ ගුවාතී ජාත්‍යන්තර සිනමා උළෙල ඇතුළු අන්තර්ජාතික සිනමා උලෙළ ගණනාවක් නියෝජනය කළ අතර ජාත්‍යන්තර සම්මානයට ද පාත්‍ර විය.
