ඉස්සර දෙකේ පන්තියෙ ඉන්නකොට අපේ සංගීත ගුරුතුමිය වෙච්චි ලලනි නවරත්න මහත්මිය ළමයි වටකරගෙන පියානෝව වයමින් ළමා ඉංගිරිසි ගීත ගායනා කරනවා. බොහෝ දෙනෙක් ඒ ගීත වයද්දි ගායනා කරත් මම දන්න ඒවා එතන තිබ්බේ අඩුවෙන්. ඒකට හේතුව අපේ ගෙදර තුන්තිස් පැයේ ඇහෙන්නේ හද්දා පරණ හින්දි සින්දුයි, සුනිල් ශාන්තගේ සින්දුයි, ඔය ගුවන් විදුලියෙන් තාත්තා අරං ආපු කැසටුයි නිසා ඉංගිරිසි සින්දු නිකං කළුනික වගේ.