අන්තර්ජාලය ඔස්සේ පැතිරෙමින් තිබුණු කටකතා සත්‍යයක් බවට පත් කරමින් බොලිවුඩ් රංගන ශිල්පිනි අනුෂ්කා ශර්මා සහ ඉන්දීය ක්‍රිකට් ක්‍රීඩක විරාත් කෝලි ඉතාලියේදී යුග දිවියට පිවිස තිබේ.

ඔවුන් දෙපල විවාහ දිවියට ඇතුලත් බවට සඳහන් කෙරෙන පණිවිඩයක් අනුෂ්කාගේ ට්විටර් සමාජ ජාලය ඔස්සේ 11 සඳුදා නිකුත් කර තිබුණි.

“අද අපි දෙදෙනා එකිනෙකාට පොරොන්දු වුණා හැමදාම ආදරයෙන් බැඳී සිටින්නට. අපි මේ ආරංචිය ඔබ සමඟ බෙදා ගන්න තරම් අපි වාසනාවන්තයි.  අපේ පවුල්වල සහ රසිකයන්ගෙන් ලැබුණු ආදරය,ආශීර්වාදය නිසා මෙම විශේෂ දිනය අපිට තවත් විශේෂ වුණා. අප මෙතෙක් ආ ගමනේ අත්වැල වීම ගැන ගොඩක් ස්තුතියි.”

මංගල උත්සවය හින්දු චරිත්‍රනුකුලව ඉතාලියේ ටුස්කනි හිදී පවත්වා ඇත.

එම ස්ථානයට විශේෂ ආරක්ෂක රැකවල් යොදා තිබු බව ඉන්දීය මාධ්‍ය වාර්තා කරයි.