සෞන්දර්ය විශ්ව විද්‍යාලයේ කුලපති මහාචාර්ය සංගීත නිපුන් සනත් නන්දසිරි වෙත උපහාර සම්මාන තිළිණ ප්‍රධාන උළෙලක් එළඹෙන 24 වැනිදා පැවැත්වීමට නියමිතය.

එසේම කරුණාරත්න අබේසේකර, කේ.ඩි.කේ. ධර්මවර්ධන සහ ධර්මසිරි ගමගේ යන ප්‍රවීන ගීත රචකයන් ඇගයීම ද එදින සිදු කෙරෙනු ඇත.

එළඹෙන සෙනසුරාදා සවස 2.30 ට කොළඹ බස්නාහිර පළාත් සෞන්දර්ය නිකේතන ශ්‍රවනාගාරයේදී පැවැත්වෙන “තුන්පත් රටා” 2018 සංගීත ප්‍රසංගයට සමගාමීව මෙම කටයුත්ත සංවිධානය කරනු ලබන්නේ සවන රැඳී ගීත රසික සංසන්දය විසිනි.