ඉන්දියාවේ ප්‍රවීණ නාට්‍යවේදීන් මෙහෙයවන ප්‍රායෝගික නාට්‍ය වැඩමුළුවකට සහභාගිවීමට සිංහල සංස්කෘතික ආයතනයේ නාට්‍ය අනුමණ්ඩලයට දෙවෙනි වරටත් ආරාධනා ලැබී තිබේ.

ඒ අනුව මෙවරද ප්‍රවීණ හා ආධුනික නාට්‍යවේදීන් පෙර පාසල් හා පාසල් ගුරුවරුන් , පාසල් හා විශ්වවිද්‍යාල සිසුන්ට එම අවස්ථාව හිමිවනු ඇත.

ඉන්දියාවේ චෙන්නායිහිදී මෙම නාට්‍ය වැඩමුළුව පැවැත්වෙන අතර එහිදී දක්ෂතා පෙන්වන සහභාගිවන්නන් ඇගයීමටද ලක් කෙරෙනු ඇත. මේ සඳහා තෝරාගැනීම් මේ මස 30 දිනයෙන් අවසන් වේ.

තෝරාගත් අයට මෙම වැඩමුළුව නොමිලේ ලැබෙන අතර 0714113457 අංකයට හෝ 0112687979ට සුදර්ශි නාට්‍ය අනුමණ්ඩලය අමතා විස්තර ලබාගෙන මේ සඳහා සහභාගිවන කණ්ඩායමට ඔබටද එක්විය හැකිය.