දෙවෙනි ඉනිම ටෙලි නාට්‍යයෙන් බිමල් ජයකොඩි සහ ශනුද්‍රි ප්‍රියසාද් ඉවත්ව ගිය පසු පහුගිය දිනවල පැතිර ගිය අලුත්ම කටකතාව " ආනන්දත්  අයින් වෙන්නලු යන්නේ '. ආනන්දගේ චරිතය රඟපාන ප්‍රවීන රංගන ශිල්පී ධර්මප්‍රිය ඩයස්ට Mirror arts අපි කතා කළා එහි ඇත්ත නැත්ත දැනගන්න.

" නැහැ එහෙම කතාවක් යනවනම් ඒක බොරුවක් ..මොකද මම දෙවෙනි ඉනිමෙන් අයින් වෙන්නේ නැහැ ..එහෙම අයින් වෙන්න තවම මට හේතුවක් හැදිලා නැහැ "
 ධර්මප්‍රිය අපිට කිව්වේ එහෙම ..ඒ අතර ඔහුගේ අලුත්ම නිර්මාණ කටයුතු ගැනත් අපි ඇහැව්වා. " අලුතෙන්ම සම්බන්ධ වුනේ " හිතලා ගත්ත තීරණයක් " කියන රාජිත දිසානායකගේ වේදිකා නාට්‍යයට ..මංගල දර්ශනය තිබ්බේ පහුගිය 9 සහ 10 දවස් දෙකේ .ඇත්තටම හොඳ ප්‍රතිචාර තිබුනා ...
"දෙවෙනි ඉනිම " නිසා ධර්මප්‍රියට ලැබෙන ප්‍රතිචාර ගැනත් අපි ඇහැව්වා..
 " පාරට බැහැලා යනකොට තමයි දැනෙන්නේ ආනන්ද කියන චරිතයට මිනිස්සු කොච්චර ආදරය කරනවද කියලා '. ධර්මප්‍රිය කිව්වේ සතුටින්.