ඔස්කාර් යන “ගින්නෙන් උපන් සීතල” නිළ පූර්ව ප්‍රචාරක පටය එළිදකියි
එළඹෙන ජනවාරියේ සිට දිවයින පුරා ප්‍රදර්ශනය කිරීමට නියමිත අනුරුද්ධ ජයසිංහගේ නවතම සිනමා නිර්මාණය ගින්නෙන් උපන් සීතල (Frozen Fire) හි නිළ පූර්ව ප්‍රචාරක පටය අන්තර්ජාලයට නිකුත් කර තිබේ.
රෝහණ විජේවීර චරිතය ඇසුරින් නිර්මාණය කරන ලද මෙම සිනමාපටය ලොව සුපතල ඔස්කාර් සම්මාන උළලේ ප්‍රධාන සම්මාන කාණ්ඩයට ඇතුලත් වීමට සුදුසුකම් ලත් පළමු ශ්‍රී ලාංකේය සිනමාපට ද්විත්වය අතරට ඇතුලත් වේ.
ඒ අනුව 2019 වසරේ පැවැත්වීමට නියමිත 91 වැනි ඔස්කාර් උළලේ දී මෙම සිනමාපටය තරග වදිනු ඇත.
ගින්නෙන් උපන් සීතල ප්‍රධාන චරිතයට ප්‍රවීන රංගන ශිල්පී කමල් අද්දරආරච්චි විසින් පණ පොවා ඇති අතර සෙසු චරිත සඳහා සුලෝචනා වීරසිංහ, දිල්හානි අශෝකමාලා, ජගත් මනුවර්ණ, සුජීව ප්‍රියාල්, දීපානි සිල්වා, ප්‍රියන්ත සිරිකුමාර, විශ්වජිත් ගුණසේකර, සංජීව උපේන්ද්‍ර, අමල් රත්න ශාන්ත, සමීර හසුන්, චන්ද්‍රසෝම බිංදුහේවා, බුද්ධික ජයරත්න, ප්‍රසන්නජිත් අබේසූරිය, සුරාජ් මාපා, තුසිත් ලක්නාත්, හංසමාලා ජානකී, ජෙහාන් අප්පුහාමි, සුසාන් නිරෝෂන්, ජානක නිලංග, අංජන ප්‍රේමරත්න, මංජුල මොරගහ, චින්තක වාස්, ක්‍රිශාන්ත ජයබාහු, චින්තක කුලතුංග, ජීවනී කාරියවසම්, ලසන්ත ෆ්‍රැන්සිස්, පාලිත අබේරත්න හා බුද්ධික අබේරත්න පණ පොවා තිබේ.
මෙම සිනමාපටය ජනවාරි 18 වැනිදා සිට දිවයින පුරා ප්‍රදර්ශනයට නියමිත ය.
ගින්නෙන් උපන් සීතල නිළ පූර්ව ප්‍රචාරක පටය පහතින්,
