රිතික් රෝෂන් ගුරුවරයෙක් ලෙස කරළියට එන දිනය මෙන්න   

ජනප්‍රිය බොලිවුඩ් රංගන ශිල්පී රිතික් රෝෂන් රඟපෑ නවතම සිනමා කෘතිය “Super 30” එළිදක්වන දිනය ප්‍රකාශයට පත් කර තිබේ.

ඒ අනුව එය එළඹෙන ජූලි මස 26 වැනිදා සිට ඉන්දියාව පුරා තිරගත කිරීමට නියමිත බව පැවසේ.

“Super 30” අධ්‍යක්ෂ වන විකාස් බාල් වෙත #MeToo ව්‍යාපාරය ඔස්සේ එල්ල වූ ලිංගික අපචාර චෝදනා නිසා චිත්‍රපටයේ වැඩකටයුතු තරමක් පසුගාමී වූ බව එරට මාධ්‍ය වාර්තා කරයි.

අධ්‍යක්ෂවරයා සම්බන්ධ නොවුණත් මේ වනවිට සිනමා කෘතියේ පසු නිෂ්පාදන කටයුතු සිදු කෙරෙන බව ඔවුන් සඳහන් කරයි.

ඉන්දියාවේ පැට්නා නුවර වෙසෙන අඩු ආදායම්ලාභී දරුවන් වෙනුවෙන් ඉගැන්වීම් කළ ආනන්ද් කුමාර් නම් ගණිත ගුරුවරයකුගේ ජිවිත කතාව පාදක කරගනිමින් සුපර් 30 නිර්මාණය වී තිබේ.

මෘනාල් ඨාකුර්, අමිත් සද් සහ නන්දිෂ් සන්ධු මෙහි සෙසු ප්‍රධාන චරිතවලට පණ පොවති.