“විජය ගී තරුව” මෙවරත්
විජය කුමාරතුංග අනුස්මරණ සහෘද කලා සංසදය විසින් වාර්ෂිකව සංවිධාන කරනු ලබන “විජය ගී තරුව” සංගීතමය තරගාවලියේ අවසන් තරග වටය පැවැත්වීමට මේ වනවිට කටයුතු සුදානම් කර තිබේ.
ඒ අනුව තෝරාගත් තරගකරුවන් 15 දෙනකු එළඹෙන 21 වැනිදා පස්වරුවේ ශ්‍රී ලංකා ගුවන් විදුලි සංස්ථා පරිශ්‍රයේ දී තරග වැදීමට නියමිත ය.
“විජය ගී තරුව” තරගයට සමගාමීව තෝරා ගත් ප්‍රවීන කලාකරුවන් කිහිප දෙනකුට විජය කුමාරතුංග අනුස්මරණ අභිනන්දන සමරු සම්මාන පිරිනමන අතර ඇලෙක්සැන්ඩර් ප්‍රනාන්දු, ආතර් යූ. අමරසේන, නිමල්සිරි කුරේ, නිමල් ගුණසේකර, මහේෂ් නිශ්ශංක, දිවංගත සරත් දසනායක සහ ග්‍රේෂන් ආනන්ද යන කලාකරුවන්ට එහිදී සම්මාන පිදෙනු ඇත.
