ප්‍රවීන ඇමරිකානු නළු කෙන් කර්ශෙවාල් අභාවප්‍රාප්ත වෙයි

සුප්‍රකට ටෙලි මාලාවක් වූ Dallas සඳහා රංගන දායකත්වය සැපයූ ඇමරිකානු නළු කෙන් කර්ශෙවාල් අභාවප්‍රාප්ත වී තිබේ.

ඔහු මියයන විට 83 හැවිරිදි වියේ පසුවිය.

ප්‍රාදේශීය පුවත්පතක් වන “ද ඩේලි ක්ලින්ටන්” වාර්තා කර ඇත්තේ කෙන් කර්ශෙවාල් පසුගිය ඉරිදා දිවියෙන් සමුගෙන ඇති බව යි.

1935 දී උපන් ඔහු වේදිකා නාට්‍ය ශිල්පියකු ලෙස සිය රංගන දිවිය ඇරඹි ය.

Dallas ටෙලි මාලාවේ තෙල් ව්‍යාපාරික ක්ලිෆ් බාර්න්ගේ චරිතයට කෙන් කර්ශෙවාල් පණ පෙවූ අතර මෙම ටෙලිය එමී සම්මාන 4ක් දිනා ගනු ලැබී ය.