ගයනි ගිසන්තිකාගෙන් කවි පොතක්- “අමුත්තා”
රංගන ශිල්පිනි ගයනි ගිසන්තිකාගේ කුළුඳුල් කාව්‍ය සංග්‍රහය “අමුත්තා” සැප්තැම්බර් 18 වැනිදා සහෘදගත කිරීමට නියමිත ය.
ඒ එදින සවස 3 ට කොළඹ මහවැලි කේන්ද්‍ර ශ්‍රවණාගාරයේ දී ය.
ජනගත කිරීමේ උත්සවයේ මුඛ්‍ය දේශනය චුලානන්ද සමරනායක විසින් සිදු කරන අතර කෙටි දෙසුම් බුද්ධදාස ගලප්පත්ති සහ බිම්සරා ප්‍රේමරත්න විසින් සිදු කරනු ලැබේ.
කවි ඇමතුම් ගිහාන් ප්‍රනාන්දු, ජයනි සේනානායක සහ ධර්මප්‍රිය ඩයස් විසිනි. එදින සහෘද ආමන්ත්‍රණය සිදු කරනු ලබන්නේ වසන්ත දුක්ගන්නාරාළ ය.
“අමුත්තා” සරසවි ප්‍රකාශනයකි.
