“රෂ්” ප්‍රදර්ශනය කල් යයි

ඔක්තෝබර් 3 වැනිදා පටන් දිවයින පුරා EAP මණ්ඩලයේ සිනමාශාලාවල ප්‍රදර්ශනය කිරීමට නියමිතව තිබූ මහේෂ් මුණසිංහගේ නවතම සිනමා නිර්මාණය “රෂ්” තිරගත කිරීම, විශේෂ හේතුවක් මත කල් දැමීමට සිදු ඇතැයි වාර්තා වේ.

ඒ අනුව චිත්‍රපටය තිරගත කිරීම ආරම්භ වන්නේ ඔක්තෝබර් 15 වැනිදා පටන් ය.  

කෙසේ වෙතත්, ප්‍රේක්ෂක බලාපොරොත්තු දින කිහිපයකින් පසුපසට දැමීමට සිදුවීම පිළිබඳව අතිශයින් කණගාටුවට පත්වන බව සිනමාපටයේ ප්‍රදර්ශන සංවිධායකයින් දන්වා සිටියි.

“රෂ්” සිනමාපටයේ ප්‍රධාන චරිතය වන රෂ් වෙනුවෙන් උද්දික ප්‍රේමරත්න පණ පොවා ඇති අතර අසන්කි ද සිල්වා එහි ප්‍රධාන නිළිය ලෙස රංගන දායකත්වය සපයා තිබෙනවා. සාරංග දිසාසේකර, සනත් ගුණතිලක, ලකී ඩයස්, අනුලා කරුණාතිලක, ජනිත් වික්‍රමගේ, හර්ෂ තෙන්නකෝන්, ජනිත් ඉරෝෂන්, යුරේනි නොෂිකා, අජිත් වීරසිංහ, සුජීව ඩයස්, ශ්‍රීමාලි ෆොන්සේකා, ඉසුරු ලොකුහෙට්ටිආරච්චි, ඔස්ටින් සමරවික්‍රම, රුවි ලක්මාලි, ටෙක්ලා කුමුදු කුමාරි, ප්‍රේම පතිරාජ, මයික් ෆර්නැන්ඩු, පෝෂිනී දිසානායක, දුමින්ද දන්තනාරායන, නුවන් කළුආරච්චි, ශෂී ඇන්ජලිනා සෙසු චරිත සඳහා රංගන දායකත්වය සපයා තිබුණි.

එහි කැමරා අධ්‍යක්ෂණය රංගන එස්. බණ්ඩාර, සහාය අධ්‍යක්ෂණය ඩොනල්ඩ් ජයන්ත, දෙවැනි සහාය අධ්‍යක්ෂණය නිරෝෂන් එදිරිමාන්න, තෙවැනි සහාය අධ්‍යක්ෂණය ඉශාන් රන්දිව් බණ්ඩාර, දෙබස් අමිල තේනුවර,  සංස්කරණය රොෂාන් එඩ්වඩ්, දෘශ්‍ය ප්‍රයෝග රෝෂන දෙල්වල, වර්ණගැන්වීම් මාලක වීරක්කොඩි, සංගීතය එරංග ජයවර්ධන, ශබ්ද සැකසුම් සසික රුවන් මාරසිංහ,  පද රචනය නිලාර් එන්. කාසිම් සහ කැලුම් ශ්‍රීමාල්,  නිෂ්පාදන කළමනාකරණය සංක බණ්ඩාර සහ එරන්ද දේවනාරායන, සහාය නිෂ්පාදන කළමනාකරණය චානක සුබෝධ සහ චතුර දේශාන්, කලා අධ්‍යක්ෂණය මංජුල අයගම, සටන් අධ්‍යක්ෂ සමන් බණ්ඩාර, ඇඳුම් නිර්මාණ ජනක උල්ලඳුපිටිය, වේශ නිරූපනය ප්‍රියන්ත දිසානායක, කොණ්ඩා සැකසුම් රවී රූපසිංහ, නර්තන නිර්මාණ KG Twins, ගුවන් කැමරා අධ්‍යක්ෂණය අනුෂ්ක ලක්මාල්, ඡායාරුපකරණය සන්දේශ් බණ්ඩාර සහ භාග්‍ය දිසානායක, ප්‍රචාරක සහකරු Niks Integrated, මහජන සබඳතා කළමනාකරණය දුලංජලි ගලහිටියාව, ඩිජිටල් සහ ප්‍රවර්ධනය එම්. හමීස් , නිෂ්පාදනය For CW Image Factory වෙනුවෙන් වසන්ත විජේන්ද්‍ර, සම නිෂ්පාදනය RUM Motion Pictures විසින් සිදු කර තිබේ.

“රෂ්” කැලුම් කුලරත්න තිර රචනයකි.