Jackie Brown රංගන ශිල්පී රොබර්ට් ෆෝස්ටර් දිවියෙන් සමුගනියි
ක්වෙන්ටින් ටැරන්ටිනෝගේ ජැකී බ්‍රවුන් සිනමාපටයේ රංගනය වෙනුවෙන් ඔස්කාර් සම්මාන සඳහා නිර්දේශ වූ රංගන ශිල්පී රොබර්ට් ෆෝස්ටර් අභාවප්‍රාප්ත වී තිබේ.
78 දී හැවිරිදි වියේ පසු වූ ඔහු 11 සිකුරාදා මියගොස් ඇත්තේ මොළයේ පිළිකා තත්වයක් හේතුවෙනි.
Breaking Bad ටෙලි මාලාව ආශ්‍රයෙන් නිර්මාණය වූ, රොබර්ට් අවසන් වරට රංගන දායකත්වය සැපයු EL Camino චිත්‍රපටය පළමු වරට Netflix නාලිකාවේ විකාශය වූයේ ද එදින ය.
රොබර්ට් ෆෝස්ටර්, Breaking Bad ටෙලි මාලාව මෙන්ම ඩේවිඩ් ලින්ච්ගේ Mulholland Drive චිත්‍රපටය සහ Twin Peaks ටෙලි මාලාව සඳහා රංගනයෙන් එක්වී තිබුණි.
1997 Jackie Brown සිනමාපටයේ නිරූපණය කළ චරිතයෙන් ඔහු වැඩි ප්‍රේක්ෂක ආකර්ෂණයක් දිනාගත් අතර හොඳම සහාය රංගන ශිල්පියා උදෙසා ඔස්කාර් සම්මානයට පවා නිර්දේශ විය.
