“කුඹියෝ, සහෝදරයා, තාත්තා” මෙවර සුමති සම්මාන උළෙලේ හොඳම ටෙලිය අවසන් නිර්දේශ අතරට
24 වැනි වරට සංවිධාන කරනු ලබන සුමති ටෙලි සම්මාන උළෙලේ සම්මාන සඳහා නිර්දේශිත නාමයන් ප්‍රකාශයට පත් කර තිබෙනවා.
ඒ අනුව මෙවර හොඳම ටෙලි නාට්‍ය, හොඳම ටෙලි නාට්‍ය අධ්‍යක්ෂණය යන සම්මාන ද්විත්වයටම කුඹියෝ, සහෝදරයා සහ තාත්තා යන ටෙලි නාට්‍ය සුදුසුකම් ලබා ඇත.
හොඳම ටෙලි නාට්‍ය නළුවා නිර්දේශ අතරට සහෝදරයා ටෙලියේ අජන්ත නම් චරිතයට පණ පෙවූ රොෂාන් රවින්ද්‍ර, මිණිගංදෑල ටෙලියේ අරනෝලිස් නම් චරිතයට පණ පෙවූ උද්දික ප්‍රේමරත්න, කුඹියෝ ටෙලියේ ජෙහාන් නම් චරිතයට පණ පෙවූ තුමිඳු දොඩන්තැන්න සහ හොඳම ටෙලි නාට්‍ය නිළිය නිර්දේශ අතරට සහෝදරයා ටෙලියේ මවගේ චරිතයට පණ පෙවූ චාන්දනී සෙනවිරත්න, හරස් පාර ටෙලියේ නිම්මිගේ චරිතයට පණ පෙවූ ශලනි තාරකා, මිණිගංදෑල ටෙලියේ සෙදෝනාගේ චරිතයට පණ පෙවූ තිසුරි යුවනිකා එක්ව සිටිති.
හොඳම ඒකාංගික ටෙලි නිර්දේශ ලෙස තිසර ඉඹුලානගේ මී කූඩුව, නලින් මාපිටියගේ ඉරටු කෑලි, ලසිත කාරියවසම්ගේ අවලෝකනය සුදුසුකම් ලබා තිබේ.
සුමති ටෙලි සම්මාන උළෙල ඔක්තෝබර් 24 වැනිදා කොළඹ නෙළුම් පොකුණ රඟහලේ දී පැවැත්වීමට නියමිත ය.
