අසහාය ගායක අල්හාජ් මොහිදීන් බෙග් වෙනුවෙන් සමරු මුද්දරයක්

මෙරට ගායන ක්ෂේත්‍රය පෝෂණය කිරීමෙහි ලා මහඟු සේවයක් කළ අසහාය ගායක අල්හාජ් මොහිදීන් බෙග් වෙනුවෙන් සමරු මුද්දරයක් නිකුත් කිරීමට ශ්‍රී ලංකා තැපැල් දෙපාර්තමේන්තුවේ, මුද්දර කාර්යාංශය කටයුතු යොදා තිබේ.

හෙට (20) සිට ආරම්භ වන කොළඹ මුද්දර දැක්මට සමගාමිව මෙම මුද්දරය නිකුත් කිරීමට නියමිත ය. ඒ අග්‍රාමාත්‍ය මහින්ද රාජපක්ෂගේ ප්‍රධානත්වයෙන් කොළඹ, ඩී.ආර්. විජේවර්ධන මාවතේ පිහිටි තැපැල් මුලස්ථාන පරිශ්‍රයේ දී ය.

කොළඹ මුද්දර දැක්ම පෙබරවාරි 20 වැනිදා පටන් 23 වැනිදා දක්වා උදැසන 9 සිට සවස 6 තෙක් මහජනයාට විවෘත වේ.