කොරෝනාට ප්‍රතිකාර ලැබූ ටොම් හෑන්ක්ස් සහ රීටා විල්සන් රෝහලෙන් පිටව යයි
නව කොරෝනා වෛරසය ආසාදනය වීම නිසා ඕස්ට්‍රේලියාවේ රෝහලකින් ප්‍රතිකාර ලැබූ ඔස්කාර් සම්මානලාභී රංගන ශිල්පී ටොම් හෑන්ක්ස් සහ බිරිඳ රීටා විල්සන් එම රෝහලෙන් පිටව ගොස් ඇති බව විදෙස් මාධ්‍ය වාර්තා කර යි.
ඒ අනුව, මේ වනවිට දෙදෙනාම එරට ක්වීන්ස්ලන්ඩ් ප්‍රදේශයේ කුලියට ගත් නිවසේ හිඳිමින් ස්වයං නිරෝධායනයේ නිරත වන බව සඳහන් වේ.
ඔවුන් දෙදෙනාට වෛරසය ආසාදනය වී ඇති බව සොයා ගැනුණේ ඉකුත් සතියේ දී ය.
එල්විස් ප්‍රෙස්ලිගේ ජිවිත කතාව අළලා නිර්මාණය කෙරෙන සිනමාපටයකට එක්වීම සඳහා ටොම් හෑන්ක්ස් සහ බිරිඳ රීටා විල්සන් ඕස්ටේලියාවේ ගෝල්ඩ් කෝස්ට් ප්‍රදේශයට පැමිණ තිබුණි. කෙසේ වෙතත් සිනමාපටයේ වැඩ කටයුතු මේ වනවිට නවතා තිබේ.
