නිළ පූර්ව ප්‍රචාරකපටය අද අන්තර්ජාලයට    

පෝලන්ත කතුවර අන්ද්‍රේ සැප්කොව්ස්කිගේ ෆැන්ටසි කෘති ඇසුරින් නිර්මිත “The Witcher” ටෙලි මාලාව එළඹෙන දෙසැම්බර් 20 වැනිදා සිට නෙට්ෆ්ලික්ස් නාලිකාව ඔස්සේ විකාශය ආරම්භ කරන බව වාර්තා වෙයි.

එහි නිළ පූර්ව ප්‍රචාරකපටය අන්තර්ජාලයට නිකුත් කරන ලද්දේ අද (31) දිනයේ දී ය.

ඉහළ බලාපොරොත්තු තබා ඇති මෙම ටෙලි මාලාව සඳහා හෙන්රි කැවිල්, ආන්යා චැලොට්රා, මයානා බරින්ග්, ජෝඩි මේ, ඇඩම් ලෙවි, මිමි ඩිවෙනි ඇතුළු පිරිසක් රංගන දායකත්වය සපයා ඇත.  

නෙට්ෆ්ලික්ස් ආයතනය වෙනුවෙන් නිෂ්පාදන කටයුතු මෙහෙයවනු ලබන්නේ ප්‍රකට තිර රචිකාවක වන ලෝරන් හිස්රිච් විසිනි.

ලේඛක අන්ද්‍රේ සැප්කොව්ස්කිගේ කෘති මේ වනවිට භාෂා 20කට පමණ පරිවර්තනය කර ඇති අතර “The Witcher” කෘති ඇසුරින් පරිගණක ක්‍රීඩාවක් ද නිර්මාණය විය.