වසර ගනණාවකට පසු පැවැත්වුන 33 වැනි සරසවි සම්මාන උලෙළේ හොඳම අධ්‍යක්‍ෂණයට සහ හොඳම තිර රචනයට හිමි සම්මාන දිනාගැනීමට ප‍්‍රසන්න විතානගේ සමත්විය. ඒ "ඔබ නැතිව ඔබ එක්ක" සිනමාපටය වෙනුවෙනි.හොඳම රංගන ශිල්පිණිය වූයේ 'ඔබ නැතුව ඔබ එක්ක" සිනමා නිර්මාණයේ ප‍්‍රධාන චරිතය රගපෑ ඉන්දීය නිළි අංජලී පටෙල්ය.ඉන්දීය නිළියක් දේශීය සිනමා සම්මාන උලෙළක සම්මානයට පාත‍්‍ර වූ ප‍්‍රථම අවස්ථාව මෙය විය හැකිය.එමෙන්ම හොඳම රංගන ශිල්පියා වූයේ මහරජ ගැමුණු හි එළාරගේ චරිතය රගපෑ ජැක්සන් ඇන්තනීය.ජූරියේ විශේෂ සම්මානය හේමාල් රණසිංහට හිමි විය.
ආචාර්ය ලෙස්ටර් ජේම්ස් පීරිස් නමින් පිදෙන සම්මානය "ෆ‍්‍රැන්ජි ෆැනී" චිත්රපටය ට හිමි විය.හොඳම සහාය නළුවා වූයේ ජයලත් මනෝරත්නයන්ය.හොඳම සහාය නිළිය දමිතා අබේරත්නය.හොඳම කැමරාකරණය මහරජ ගැමුණු හි රුවන් කොස්තාය.හොඳම සංස්කරණ ශිල්පියා වූයේ සංස්කරණය පිළිබඳ ප‍්‍රවීනයෙක් වන රවීන්ද‍්‍ර ගුරුගේය. එමෙන්ම හොඳම චිත්රපටය මෙන්ම ජනප‍්‍රිය චිත්රපටය ලෙස සම්මානයට පාත‍්‍රවූයේ "මහරජ ගැමුණු" චිත‍්‍රපටයයි.
එමෙන්ම මෙවර අභිමානී නමින් විශේෂ සම්මාන පිරිනැමුණ අතර එය ආචාර්ය ලෙස්ටර් ජේම්ස් පීරිස් සහ සුමිත‍්‍රා පීරිස්,නන්දා මාලිනි,ඩබ්ලිව් ඩී අමරදේවයන් සහ පුන්‍යා හීන්දෙණිය වෙත පුදණු ලබිණ.
රණතිසර සම්මාන හිමිවූයේ ගායිකා සුජාතා අත්තනායක .හන්තානේ කථාව සිනමා නිර්මාණයේ අධ්‍යක්‍ෂ සුගතපාල සෙනරත් යාපා යන කලාකරුවන්ටය. එමෙන්ම රණපාල බෝධිනාගොඩ සම්මානය ප‍්‍රවීණ සිනමා විචාරක හා ලේඛක ගාමිණී වේරගම ට හිමිවිය.
හොඳම සංගීත අධ්යක්ෂවරයා වූයේ නදීක ගුරුගේය. හොඳම ගායිකාව නිරෝෂා විරාජිනීය. හොඳම ගගායකයා එඩ්වඩ් ජයකොඩිය.හොඳම ගීත රචකයා පල්ලේගම හේමරතන හිමිය.
හොඳම කලා අධ්යක්ෂවරයා මහරජ ගැමුණූ හි රොහාන් සමරදිවාකර සහ අරුණ ප‍්‍රියන්ත සම්මානය දිනාගනු ලැබීය.වේෂ නිරූපණයට හිමි සම්මානය දිනාගනු ලැබූවේ ජයන්ත රණවකය.හොඳම ශබ්ද පරිපාලනය අරුණ ප‍්‍රියන්ත විසින් දිනාගනු ලැබීය.
නැගී එන නිළිය අනූෂයා සුබසිංහ හෝ ගානා පොකුණෙහි කළ රංගනය වෙනුවෙන් සම්මානය දිනාගනු ලැබීය. හොඳම නැගී එන නළුවා වූයේ ඉෂාර වික‍්‍රමසිංහයි.
කුසලතා සම්මාන රැුසක් නවපරපුරේ රංගන ශිිල්පීන් සහ ප‍්‍රවීණ රංගන ශිල්පීන් කිහිප දෙනෙකුට හිමි විය.ඒ ලාල් කුලරත්න, දිනක්‍ෂි ප‍්‍රියශාද්, ප‍්‍රවීන් සන්දීප්, නිසාක්‍ය කුමාර, මහේෂ්වරී රත්නම් ,දිනේෂ් සුබසිංහ යන අයය.
