වැඩිහිටි පොඩිහිටි බේදයක් නැතිව නරඹන, ඇනිමේෂන් සිනමාපටවලට පෙම් බඳින ඔබටයි මේ අලුත්ම ආරංචිය.

මේ අලුත් ආරංචියට මුල් වුණ සිනමාපටයේ නම තමයි “How to train your Dragon”.

මිට වසර අටකට පෙර එනම් 2010 දී පළමුව අපි අතරට පැමිණි මේ චිත්‍රපටයේ නවතම සහ අවසාන ආගමනය “How to train your Dragon: The Hidden World” ලෙස නම් කර තිබෙනවා.

මෙය හැඳින්වෙන්නේ හව් ටු ට්‍රේන් යුවර් ඩ්‍රැගන් සිනමාපට මාලාවේ තුන්වැන්න ලෙසයි.

ඉතින්, මේ සැඟවුණු ලෝකය අපිට එළිදරව් කරන නිර්මාණයේ පුර්ව ප්‍රචාරක පටය පසුගියදා අන්තර්ජාලයට එක් වුණා.

එහි අධ්‍යක්ෂණය ඩින් දබ්ලුවා විසින් සිදු කර ඇති අතර කේට් බ්ලොන්ශේ, ටී.ජේ. මිලර්, ක්‍රිස්ට්න් විග්, කිට් හැරින්ටන්, ජොනා හිල්, ජේ බරුශේ, ඇමෙරිකා ෆෙරෙරා, ජිමොන් හුන්සු, ක්‍රිස්ටෝපර් මින්ට්ස්, මරේ ඒබ්‍රහම්, ක්‍රෙග් ෆර්ගසන් ඇතුළු පිරිසක් මේ සඳහා හඬ දායකත්වය සපයා තිබෙනවා.

පුර්ව ප්‍රචාරක පටය එළියට ආවත් සිනමාපටය නම් අපිට බලන්න වෙන්නේ 2019 දී.