මෙම උත්සවයට සහභාගී වීම සඳහා නික් ජෝනාස්ගේ සොහොයුරු ජෝ ජෝනාස් සහ ඔහුගේ පෙම්වතිය වන ප්‍රකට හොලිවුඩ් රංගන ශිල්පිනි සොෆී ටර්නර් ද සහභාගී වී සිටිනු විදෙස් මාධ්‍ය වාර්තා කර තිබුණි.

ජනප්‍රිය බොලිවුඩ් රංගන ශිල්පිනි ප්‍රියංකා චොප්රා සහ ඇමරිකානු ගායක නික් ජෝනාස් ඉන්දියාවේදී යුග දිවියට ඇතුලත් වී තිබේ.

ඔවුන්ගේ විවාහ මංගල සැමරුම් කටයුතු පසුගිය 28 බදාදා ආරම්භ කර ඇති අතර එය සති අන්තය දක්වා පැවැත්වෙනු ඇතැයි විදෙස් මාධ්‍ය වාර්තා කරයි.

ඒ අනුව ක්‍රිස්තියානි ආගමික කටයුතුවලට මුල් තැන දෙමින් සිදු කළ උත්සවය 01 සෙනසුරාදා රාජස්ථාන් ජෝදාපුර් හි උමයිද් භවන් නම් මන්දිරයේ දී පැවැත්වුණු බවත් සම්ප්‍රදායික හින්දු චාරිත්‍රානුකූලව සිදු කෙරෙන උත්සවය අද (02) දින සිදු කිරීමට නියමිත බවත් සඳහන් වේ.

මෙම උත්සවයට සහභාගී වීම සඳහා නික් ජෝනාස්ගේ සොහොයුරු ජෝ ජෝනාස් සහ ඔහුගේ පෙම්වතිය වන ප්‍රකට හොලිවුඩ් රංගන ශිල්පිනි සොෆී ටර්නර් ද සහභාගී වී සිටිනු විදෙස් මාධ්‍ය වාර්තා කර තිබුණි.

වසරක පමණ කාලයක් පෙම්වතුන් වී සිටි ප්‍රියංකා නික් යුවල විවාහ ගිවිස ගනු ලැබුවේ මින් මාස හතරකට ඉහතදී ය.