ප්‍රවීන සිනමා සහ වේදිකා නාට්‍ය නළු ඩොනල්ඩ් මොෆාට් අභාවප්‍රාප්ත වෙයි
Clear and Present Danger,The Thing සහ The Right Stuff වැනි සිනමාපට ඔස්සේ රසික ආදරය දිනාගත් ප්‍රවීන රංගන ශිල්පී ඩොනල්ඩ් මොෆාට් අභාවප්‍රාප්ත වී තිබේ.
මියයන විට ඔහු 87 හැවිරිදි වියේ පසුවිය.
ඩොනල්ඩ්, එක්සත් රාජධානියේ ප්ලයිමවුත් හි උපත ලැබුව ද 1956 දී පමණ ඇමරිකාවට සංක්‍රමණය වීමෙන් පසු රංගන ශිල්පියකු ලෙස වැඩි ජනප්‍රියත්වයක් අත් කරගත්තේ ය.
ඔහු 1967 දී ටෝනි සම්මානය සඳහා දෙවතාවක් නිර්දේශ විය. එසේම සිනමාපට, ටෙලිනාට්‍ය සහ වේදිකා නාට්‍ය විශාල ප්‍රමාණයක් සඳහා ඔහු දායකත්වය සපයා ඇත.
පසුගිය 20 බ්‍රහස්පතින්දා ඩොනල්ඩ් මොෆාට් ජිවිතයෙන් සමුගත් බව ඔහුගේ දියණිය ප්‍රකාශ කළා ය.
