චාමර ජනරාජ් සිනමාවට
බටහිර අහස, පියවි වැනි ජනප්‍රිය ටෙලි නාට්‍ය අධ්‍යක්ෂණය කළ චාමර ජනරාජ් පීරිස් සිනමා කර්මාන්තයට පිවිස ඇති වග ආරංචි වෙනවා.
ඔහුගේ කුළුඳුල් සිනමා නිර්මාණය නම් කර ඇත්තේ “උතුරු සුළඟ” නමින්.
මෙම චිත්‍රපටයේ රූගත කිරීම් පසුගියදා සිට ආරම්භ කළ බව අධ්‍යක්ෂවරයා පවසනවා.
මේ ඒ සම්බන්ධයෙන් අධ්‍යක්ෂ චාමර ජනරාජ් පීරිස් සිය මුහුණුපොතෙහි තැබූ සටහනක්.
“මාගේ මිතුරු මිතුරියනි. මගේ කුළුදුල් චිත්‍රපටයේ රූගත කිරීම් හෙට සිට ආරම්භ වනු ඇත. ටෙලි නාට්‍ය 9 ක් අවසන මෙලෙස සිනමාවට පිවිසෙමි. මා සමාග මෙතෙක් දුරක් පැමිණි සියළු නළු නිළියනට සිනමා පටයේ චරිත ලබාදීමට නොහැකි වීම සම්බන්ධයෙන් මා සමග අමනාප නොවන බව මම දනිමි . මෙතෙක් දුරක් මා සමග පැමිණි මගේ ටෙලිනාට්‍ය රසික ඔබ හැම මගේ සිනමාව තුලද දැකගැනීමට අපේක්ෂා කරමි.”
