කොළඹ ජාත්‍යන්තර කාන්තා සිනමා උළෙල පෙබරවාරි 28 ඇරඹේ
සිනමාවේ කාන්තා නියෝජනය ඔසවා තැබීමේ, සැමරීමේ සහ සවිබල ගැන්වීමේ මූලික පියවරක් ලෙස සංවිධාන කෙරෙන කොළඹ ජාත්‍යන්තර කාන්තා සිනමා උළෙල පෙබරවාරි 28 වැනිදා ආරම්භ කිරීමට නියමිත ය.
එය මාර්තු 1 වැනිදා සිට 7 වැනිදා දක්වා පැවැත්වේ.
නිර්මාණකාරිනියන් 40 දෙනකුගේ පමණ සිනමාපට එහිදී ප්‍රදර්ශනය කිරීමට කටයුතු සලසා තිබේ.
ජාතික චිත්‍රපට සංස්ථා තරංගනී සිනමා ශාලාවේ දී ප්‍රධාන වශයෙන් චිත්‍රපට ප්‍රදර්ශනය කෙරෙන අතර Alliance Francaise(කෝට්ටේ), American center(කොළඹ), Goethe Institut (කොළඹ) යන ස්ථානවලදී ද චිත්‍රපට ප්‍රදර්ශනය කෙරෙනු ඇත. ඒ සවස 3.30, 6.15 සහ 9.00 දර්ශන වාර ලෙසිනි.
