ප්‍රසන්න සමග ඉන්දි මීම් සිනමා උළෙල නියෝජනය කල "තුන් දෙනෙක්".............

පසුගිය අප්‍රියෙල් 28 වෙනිදා ඇමෙරිකා එක්සත් ජනපදයේ ටෙක්සාස් ප්‍රාන්තයේ අග නගරය වන ඔස්ටින් නුවරදී නිමාව දුටු 04 වෙනි ඉන්දි මීම් සිනමා උළෙල ( Indie Meme Film Festival) නියෝජනය කිරීමට ප්‍රසන්න විතානගේ, අසෝක හඳගම හා විමුක්ති ජයසුන්දර යන අධ්‍යක්ෂකවරුන් තිදෙනා එක්ව අධ්‍යක්ෂණය කල "තුන් දෙනෙක්" (Her, Him, The Other) නම් වූ සිනමාපටය සමත් විය.

ඇමෙරිකාව, ඉන්දියාව, ඉරානය, පකිස්ථානය හා ශ්‍රී ලාංකාව ආදී රටවලට අයත් සිනමාපට 25කට ආසන්න සංඛ්‍යාවක් මෙවර උළෙලේදී මහජනතාවට ප්‍රදර්ශනය කල අතර, ඒ අනුව ප්‍රසන්න විතානගේගේ සහභාගිත්වයෙන් "තුන් දෙනෙක්" සිනමාපටය පසුගිය 27 වෙනිදා උළෙලේදී තිරගත විය.

සටහන සහ ඡායා: Sri Lankans at International Film Festivals ෆේස්බුක් පිටුවෙන් උපුටා ගැනුණි.