බ්‍රිතාන්‍ය රජ කිරුළට උරුමකම් කියන හත් වැන්නා උපත ලබයි
එංගලන්තයේ සසෙක්ස් ආදිපාදවරිය, මේගන් මාකල් කුමරිය පිරිමි දරුවකු බිහිකළ බව සසෙක්ස් ආදිපාදවර හැරී කුමරු විසින් අද (06) දින ප්‍රකාශයට පත් කළා.
ජනතාව අමතමින් හැරී කුමරු පවසා සිටියේ මේගන් සහ දරුවා ඉතාමත් සුවයෙන් පසුවන බවත් දරුවාට තබන නම පිළිබඳව තවමත් සිතමින් සිටින බවත් ය. එසේම මේ අවස්ථාවේ ඔවුන් දෙදෙනාම “මහත් ප්‍රීතියෙන්” පසුවන බවත් හැරී කුමරු ප්‍රකාශ කළා.
රාත්තල් 7 ක් සහ අවුන්ද 3ක් බරැති දරුවා උපත ලබන අවස්ථාවේ හැරී කුමරු එතැන සිටි බව බකිංහම් මාලිගය නිවේදනය කර තිබුණි.
ඔටුන්නට හිමිකම් කියන රාජකීය පවුලේ සාමාජිකයින් අතර හත් වැනි ස්ථානයේ පසුවන අලුත උපන් බිළිඳා එංගලන්තයේ රැජිනගේ 8 වැනි මි මුනුබුරා වේ.
