“බෝම්බයක් ඉතුරුයි” ජූනි 30 ට කල් දැමේ  

සම්මානිත වේදිකා නාට්‍ය අධ්‍යක්ෂ චාමික හත්ලහවත්තගේ නවතම වේදිකා නිර්මාණය “බෝම්බයක් ඉතුරුයි” මැයි 31 වැනිදා පොල්ගහවෙල නගර ශාලාවේ දී පැවැත්වීමට නියමිතව තිබු දර්ශන වාරය ජූනි 30 වැනිදා දක්වා කල් දමා තිබේ.

රට තුළ පවතින අයහපත් වාතාවරණය නිසා දර්ශන වාරය කල් දැමුණු බව සංවිධායකයින් පවසා ඇත.

මේ සම්බන්ධයෙන් වැඩි විස්තර 077 3089024 හෝ 077 5414754 යන දුරකථන අංක අමතා ලබා ගත හැකි ය.

ගිහාන් ප්‍රනාන්දු, උමයන්ගනා වික්‍රමසිංහ, සරත් කරුණාරත්න, ප්‍රදීප් රාමවික්‍රම, සිළිඳු රන්වල, ජිතේන්ද්‍ර විද්‍යාපති චරිත මවන මෙම වේදිකා නාට්‍යය නිරෝෂ් කවිරත්නගේ නිෂ්පාදනය කි.

හොඳම නාට්‍ය ඇතුළු රාජ්‍ය සම්මාන 8ක් දිනූ “හරි අපූරු දවසක්”, රාජ්‍ය සම්මාන 9 ක් දිනූ “මකරට”,  හොඳම නාට්‍ය ඇතුළු රාජ්‍ය සම්මාන 10 ක් දිනූ “රජා මං වහලා” චාමික හත්ලහවත්තගේ අනෙකුත් වේදිකා නිර්මාණ වේ.