ශ්‍රී ලංකා ගායක ගායිකාවන්ගේ සංගමයෙන් ජනපතිට උපහාර
විශ්‍රාම වැටුපක් හිමිකරදීම ඇතුළු කලාකරුවන්ගේ සුබසාධනය උදෙසා ඉකුත් පස් වසර පුරා ගෙන ගිය සුවිශේෂි වැඩපිළිවෙළ අගයමින් ශ්‍රී ලංකා ගායක ගායිකාවන්ගේ සංගමය විසින් ජනපති මෛත්‍රීපාල සිරිසේනට උපහාර පුද කර තිබේ.
ඒ ඊයේ (04) පස්වරුවේ කොටුව ජනාධිපති මන්දිරයේ දී පැවැත්වුණු විශේෂ හමුවක දී ය.
කලාකරුවන් වෙනුවෙන් ඉටුකළ මෙහෙවරට සිය කෘතවේදිත්වය පළ කරමින් ජනාධිපතිවරයා වෙත සමරු තිළිණ පිළිගැන්වීම ද එහිදී සිදු කෙරිණි.
ශ්‍රී ලංකා ගායක ගායිකාවන්ගේ සංගමයේ නව සභාපති ජානක වික්‍රමසිංහ ඇතුළු ප්‍රවීන ගායක ගායිකාවෝ රැසක් මීට එක්ව සිටියහ.
