“කොට්ට බබා” ආයෙත් පෙන්නනවා..!
ජර්මානු සංස්කෘතික මධ්‍යස්ථානයේ මාසිකව පැවැත්වෙන සිනමා දැක්ම සහ සංවාදයේ දෙසැම්බර් ප්‍රදර්ශනය සඳහා මුවිඳු බිනෝයිගේ “කොට්ට බබා” තිරගත කිරීමට කටයුතු සුදානම් කර තිබේ.
චිත්‍රපටය ප්‍රදර්ශනය කෙරෙන්නේ දෙසැම්බර් 4 වැනිදා සවස 6 ට කොළඹ, ජර්මානු සංස්කෘතික මධ්‍යස්ථානයේ දිය.
සිනමාවේදී බූඩි කීර්තිසේන සහ සිනමා විචාරක චින්තන ධර්මදාස එදින සිනමා සංවාදයට එක්වන අතර එදින වැඩසටහන මෙහෙයවීම අනෝමා රාජකරුණා විසිනි.
නොමිලේ පැවැත්වෙන සිනමා දැක්මට එක්වන මෙන් ඇරයුම්!
