ඇජෙන්ඩා 14 කෙටි චිත්‍රපට උලෙළ දෙසැම්බර් 13 ඇරඹේ

9 වැනි වරටත් සංවිධාන කරන ඇජෙන්ඩා 14 කෙටි චිත්‍රපට උලෙළ දෙසැම්බර් 13 වැනිදා සිට 15 වැනිදා දක්වා පැවැත්වීමට නියමිත බව වාර්තා වේ.

ඒ ඉහත සඳහන් දිනවල සවස 3.30 සිට රාත්‍රී 8 දක්වා කොළඹ, ජර්මානු සංස්කෘතික මධ්‍යස්ථානයේ දී ය.

ඇජෙන්ඩා 14 කෙටි චිත්‍රපට උලෙළට ඉදිරිපත් කළ කෙටි චිත්‍රපටවලින් තෝරා ගැනුණු හොඳම නිර්මාණ සඳහා අංශ 7ක් යටතේ සම්මාන 7ක් පිරිනැමීමට සංවිධායකයින් කටයුතු සුදානම් කොට ඇත.

ඒ අනුව පිරිනැමෙන සම්මාන වන්නේ හොඳම කෙටි චිත්‍රපටය, ජූරියේ සම්මානය, මානව හිමිකම් සම්මානය, සමාජීය ස්ත්‍රී පුරුෂ භාවි කෙටි චිත්‍රපටය, හරිත සම්මානය, හොඳම සජීවීකරණ කෙටි චිත්‍රපටය සහ කුසලතා සපිරි සිනමාකරු (වයස අවුරුදු 24ට අඩු) යන සම්මාන යි.

උලෙළට නිළ වශයෙන් සුදුසුකම් ලැබූ කෙටි චිත්‍රපට පිළිබඳ දැන ගැනීමට දිගටම මිරර් ආට්ස් වෙබ් අඩවිය සමඟින් රැඳී සිටින්න.