අද එළිදැක්වූ “වියසිදුරු” නිළ පූර්ව ප්‍රචාරකපටය මෙන්න
කැලණිය විශ්වවිද්‍යාලයේ නිෂ්පාදන කාර්යයක් වන "වියසිදුරු" දිගු සිනමාපටයේ නිළ පූර්ව ප්‍රචාරකපටය මිට සුළු මොහොතකට පෙර එළිදක්වන ලදී.
මෙම චිත්‍රපටය කැලණි සරසවි ලලිත කලා අධ්‍යයන අංශයේ, නාට්‍ය හා රංග කලා සහ ප්‍රතිබිම්බ කලා අධ්‍යයන ඒකකය මගින් පවත්වාගෙන යනු ලබන සිනමා හා රූපවාහිනි (එක් අවුරුදු) ඩිප්ලෝමා පාඨමාලාවේ පළමු කණ්ඩායමේ අවසන් නිෂ්පාදනය වේ.
කළණ ගුණසේකර, ලක‍ෂ්මන් මෙන්ඩිස්, ශලනි තාරකා, තුමිඳු දොඩන්තැන්න, ධර්මප්‍රිය ඩයස් ඇතුළු ප්‍රවීන රංගන ශිල්පීන් රංගනයෙන් දායක වන වියසිදුරු සිනමාපටය තිර රචනය කර අධ්‍යක‍ෂණය කර ඇත්තේ උක්ත පාඨමාලාවේ අධ්‍යයන සම්බන්ධීකාරක ප්‍රභාත් අගම්පොඩි විසිනි.
වියසිදුරු නුදුරේදීම දිවයින පුරා සිනමාශාලාවල තිරගත කිරීමට නියමිත යි.
