“හිතුමතේ ජීවිතේ” පූර්ව ප්‍රචාරක පටය එළිදකියි
ක්‍රිෂාන්ත මනම්පේරිගේ කුළුඳුල් සිනමා අධ්‍යක්ෂණය වන “හිතුමතේ ජීවිතේ” පූර්ව ප්‍රචාරක පටය පසුගියදා අන්තර්ජාලයට නිකුත් කර තිබුණි.
සත්‍ය කතා පුවතක් අළලා නිර්මාණය කළ මෙම සිනමාපටයේ ප්‍රධාන චරිතයට දිනෙත් ද සිල්වා පණ පොවන අතර මහේන්ද්‍ර පෙරේරා, ජයනි සේනානායක, දමිතා අබේරත්න, ජගත් චමිල, සරත් කොතලාවල, ප්‍රියංකර රත්නායක, පාලිත සිල්වා, අනුරුද්ධිකා පාදුක්කගේ, ගිහාන් ප්‍රනාන්දු, මාරියන් වෙත්තසිංහ, හංසිකා රත්නායක සිය රංගන දායකත්වය සපයා තිබේ.
හිතුමතේ ජීවිතේ කැමරා අධ්‍යක්ෂණය නිශාන්ත ප්‍රදීප්, රේඛිය නිෂ්පාදනය ප්‍රියංකර රත්නායක, තිරරචනය ඉන්දික රූපසිංහ, කලා අධ්‍යක්ෂණය රංජිත් ද සිල්වා, සංස්කරණය රුක්මල් නිරෝෂ්, සංගීත අධයක්ෂණය සාගර විජේසිංහ, අංග රචනය ප්‍රියන්ත දිසානායක, විශේෂ දෘශ්‍ය ප්‍රයෝග ජයසිංහ වීරක්කොඩි, වස්ත්‍රාභරණ ප්‍රියා රණසිංහ, වර්ණ සංයෝජනය ඩිලාන් ගුණවර්ධන, විධායක නිෂ්පාදනය දුෂාන් චන්දිමාල්, නිෂ්පාදන කලමනාකරණය විරාජ් වර්ණසූරිය, නිෂ්පාදනය විහාරා සමරසිංහ විසිනි.
මෙම සිනමා නිර්මාණය ළඟදීම දිවයින පුරා තිරගත කිරීම ආරම්භ කිරීමට නියමිත ය.
