ජනප්‍රිය DJ ශිල්පී ඇඩම් ස්කයි හදිසි අනතුරකින් මියයයි
ජනප්‍රිය ඕස්ට්‍රේලියානු DJ ශිල්පී ඇඩම් ස්කයි ඉන්දුනීසියාවේ බාලි දූපතේ දී සිදු වූ හදිසි අනතුරකින් ජිවිතක්ෂයට පත්ව තිබේ.
තුවාල ලැබූ මිතුරෙකුට උපකාර කිරීමට යාමේදී සිදු වූ අනතුරකින් 42 හැවිරිදි ඔහු මියගොස් ඇති බව වාර්තා වේ.
ටෙරාසයෙන් බිමට වැටුණු සිය මිතුරියට උදව් කිරීමට දුවගෙන යන විට විදුරු දොරක ගැටීම නිසා ඇතිවූ කැපුම් තුවාලවලින් රුධිරය විශාල වශයෙන් පිටවීමෙන් ඔහු මියගොස් ඇතැයි නයින් නිව්ස් වෙබ් අඩවිය වාර්තා කරයි.
ඇඩම් නීට් ඔහුගේ සැබෑ නාමය වන අතර 2018 වසරේ ආසියාවේ ජනප්‍රියතම DJ ශිල්පී ශ්‍රේණිගත කිරීම්වල තෙවැනි ස්ථානය අත්කරගෙන ඇති බව ඔහුගේ වෙබ් අඩවියේ සඳහන් වේ.
