“හූනා සහ නාඳුනන මිනිස්සු” 20 වැනිදා සන්නිවේදන කතිකාවට
ශ්‍රී ලංකා පුවත්පත් මණ්ඩලය විසින් සංවිධාන කරනු ලබන සන්නිවේදන කතිකාවක් එළඹෙන අගෝස්තු 20 වැනිදා පස්වරු 4 ට බොරැල්ල ශ්‍රී ලංකා පුවත්පත් මණ්ඩලයේ දී පැවැත්වීමට නියමිත ය.
මෙවර සංවාදය සඳහා පාදක කරගනු ලබන්නේ අනුරුද්ධිකා ගුණතිලක රචිත “හූනා සහ නාඳුනන මිනිස්සු” කෙටිකතා සංග්‍රහය යි.
මහාචාර්ය සුනන්ද මහේන්ද්‍ර, ජයතිලක කම්මැල්ලවීර, චූලානන්ද සමරනායක, අනුරසිරි හෙට්ටිගේ, තරංගා රණසිංහ, සිසිර කුමාර මහගම, මහින්ද ප්‍රසාද් මස්ඉඹුල සංවාද සභාවට එක්වනු ඇත.
එදින වැඩසටහන මෙහෙයවීම ගාමිණි කන්දේපොළ විසිනි.
මෙම කතිකාවට එක්වන මෙන් ඔබටත් ඇරයුම්!
