කොළඹ විශ්වවිද්‍යාලයීය නාට්‍ය උළෙල සැප්තැම්බරයේ

කොළඹ විශ්ව විද්‍යාලයේ කලා මණ්ඩලය අනුග්‍රහයෙන් සිංහල අධ්‍යයන අංශය විසින් වාර්ෂිකව සංවිධාන කරනු ලබන නාට්‍ය උළෙල මෙවරත් පැවැත්වීමට කටයුතු යොදා තිබේ.

ඒ අනුව එළඹෙන සැප්තැම්බර් 2 වැනිදා සිට 6 වැනිදා දක්වා වේදිකා නාට්‍ය 5ක් නව කලාගාරයේ දී වේදිකා ගත කිරීමට නියමිත ය. සෑම දිනකම සවස 3 ට රංගගත කෙරෙන වේදිකා නාට්‍ය කාලසටහන පහතින්,

සැප්තැම්බර් 2 දයානන්ද ගුණවර්ධනගේ “ගජමන් පුවත”

සැප්තැම්බර් 3 ජයලත් මනෝරත්නගේ “ගුරු තරුව”

සැප්තැම්බර් 4 සයිමන් නවගත්තේගමගේ “සුභ සහ යස”

සැප්තැම්බර් 5 සෝමලතා සුබසිංහගේ “විකෘති”

සැප්තැම්බර් 6 එදිරිවීර සරච්චන්ද්‍රගේ “පෙමතෝ ජායති සෝකෝ”

ප්‍රවේශ පත්‍ර එදින දොරටුවෙන් ලබාගත හැකි ය.